FAQ

bizkaia:talent Bizkaiko Foru Aldundiaren (BFA) Sustapen Ekonomikorako Sailak Euskadiko enpresa, unibertsitate eta ikerketa zentro eta zentro teknologiko nagusienetako batzuekin lankidetzan, sustatutako irabazi asmorik gabeko elkartea da. Bere misioa da Bizkaian berrikuntza eta ezagutzaren prozesura oso ondo prestatutako pertsonak erakartzeko, lotzeko eta eusteko beharrezko baldintzen ezarpena bultzatzea eta laguntzea.

bizkaia:talent-ek ondorengo bazkideak dauzka: Bilbao Bizkaia Kutxa (BBK), BEAZ, CIC bioGUNE, Iberdrola, Idom, IK4, Industria de Turbo Propulsores (ITP), Sener, Tecnalia, Deustuko Unibertsitatea, Euskal Herriko Unibertsitatea eta Bizkaiko Foru Aldundia; elkartearen lehendakaritza Foru Aldundiaren Sustapen Ekonomikorako Sailari dagokio.

bizkaia:talent-en zeregina pertsonetan zentratzen da zehazki. Horrek baterako lana eskatzen du (enpresaren eta berrikuntzaren promozioaren prozesuan inplikatutako eragile guztiekin), pertsona eta proiektu berritzaileak identifikatzeko, bultzatzeko eta sustatzeko.

Europako Hezkuntza eta Ikerketa arloetan aurreikusitako aldaketek eta enpresaren munduan (Bizkaiko sektore tradizionalak, ezagutza eta teknologia maila altua edo ertain-altuarekin: automozioa, material elektronikoak, metalmekanika, garraioa eta logistika; eta Bizkaian goraka doazen sektoreak: bioteknologia, aeronautika, biomedikuntza, farmako industria, osasuna, energia alternatiboak, ingurumena) dagoeneko eman diren eta aurreikusita dauden aldaketek gure inguruneko herrialde askok gaur egun daukaten deskapitalizazio intelektualerako arriskua ekiditeko beharrezko oinarriak ezarriko dituen organismo bat eratzea eskatzen dute.

Geroago eta globalizatuagoa den lehiakortasun-esparrua dela eta, bai alderdi sozialetan bai ekonomikoetan, beharrezkoa da Bizkaiko Foru Aldundiko Berrikuntza eta Sustapen Ekonomikorako Saileko gainerako organismo publikoekin, Euskadiko, Estatuko eta Europako erakunde publikoekin eta beste eragile batzuekin kolaboratzea. Kolaborazio hori erabat funtsezkoa da, horietako bakoitzaren misioen arrakasta gainerakoen arrakastaren araberakoa izango baita.

Lankidetza da arrakastaren giltzarria eta Bizkaiko helburu nagusienetako bat betetzeko helburua: “enplegu egonkorra eta aberastasuna sortzea”

bizkaia:talent-en berariazko zerbitzuak eta programak doanekoak dira. Espresuki hala adierazten den jarduera zehatzak dira salbuespen bakarra, hala nola, Euskaditik kanpo dauden profesionalekin egiten diren Networking jarduerak (horietan, organizazioek eurek ordaintzen dituzte haien garraio eta ostatu gastuak) edo profesionalak integratzeko aisialdiko jarduerak (museoak bisitatzea, irteerak, etab.).

Doan eskaintzen dugu ondo prestatutako langileen beharrei erantzuteko laguntza eta Bizkaian egoitza duten organizazioei zerbitzu integrala ematen diegu (talentua Bizkaiko – edo, zerbitzuaren arabera, Euskadiko – organizazio eta esparru berritzaileetara etor dadin, haietan jarrai dezan eta/edo haietara lotu dadin bide ematen dugu).

bizkaia:talent-ek balio erantsia ematen die Euskadiko organizazioei eta ingurune profesionalari, ondo prestatutako langileak identifikatzeko, erakartzeko eta haiek atxikitzeko bidea erraztuz:

• Talentuaren kontratazioa, promozioa eta atxikipena finantzatzen dugu.
• Munduan ondo prestatutako profilak bilatzen laguntzen dugu.
• Talentua gure ingurune sozial, kultural eta laboralean integratzen laguntzen dugu.
• Atzerritik euskal organizazioekin kolaboratzera datorren profesional baten (eta haren familiaren) oinarrizko tramiteak kudeatzen ditugu.
• Ondo prestatutako profesionalak bertako enpresekin harremanetan jartzen ditugu, lankidetza-sareak sustatzeko helburuarekin.
• Unibertsitateko ikasleak, bereziki Bizkaiko, eta oro har, Euskadiko, errealitate zientifiko, teknologiko eta enpresa munduaren errealitatera gerturatzen ditugu.
• Jendearen eskura jartzen ditugu talentuaren mugikortasunarekin lotutako arloen ikerlanak.
• Bizkaiko eta Euskadiko organizazioen berrikuntza eta lehiakortasuna babesten eta indartzen duten atzerriko proiektuak identifikatzen ditugu.
• Nazioarte mailako pertsona- eta organizazio-sare bat jartzen dugu euskal organizazioen esku.
• Nazioarte mailako azoka, foro eta kongresuetan presentzia edota ordezkaritza eskaintzen dugu, talentudun pertsonen mugikortasunari eta kudeaketari dagokionez.

Gure zerbitzuak bere osotasunean erabil ditzaketen organizazioak Bizkaian egoitza edo ekoizpen/zerbitzu zentroa daukatenak eta gure Lurralde Historikoan proiektu bat edo jarduera profesionala garatzen dutenak edo garatzera doazenak dira. Gainerako Euskal Lurralde Historikoetako edozeinetan egoitza daukaten beste organizazio batzuek ere izan daitezke gure zerbitzuetako batzuen onuradun.

Prozedura oso sinplea, azkarra eta doakoa da. bizkaia:talent-en zerbitzuren bat interesatzen bazaizu, ez ezazu zalantzarik izan eta eska ezazu. Betekizun bakarra gure webgunean erregistratuta egotea da.

Edozein zalantza edo arazo baldin badaukazu, informacion@bizkaiatalent.org helbide elektronikoaren edo 94 47 954 28 telefono zenbakira deituta jar zaitezke gurekin harremanetan eta lagunduko dizugu.

Eskatzen dizugun informazioa oinarrizkoa da: erakundearen izena, IFK, enpresa mota, jarduera-sektorea, helbidea eta telefono zenbakia. Gainera, harremanetarako erakundeko pertsona baten datuak eman beharko dizkiguzu.

Behin zure datuak balioztatzen ditugunean, akatsik ez dagoela eta benetakoak direla egiaztatuz, bizkaia:talent-en zure kontua aktibatuko dugu eta eskaintzen dugun edozein zerbitzu eskatu ahal izango diguzu.

Datu pertsonalen tratamenduari dagokionez, bizkaia:talent-ek Izaera Pertsonaleko Datuak Babesteari buruzko abenduaren 13ko 15/1999 Lege Organikoa betetzen du. Webgunearen bitartez (horixe da izangaien eta bizkaia:talent-en arteko hartu-emanetarako gehien erabiltzen den tresna) lortutako izaera pertsonaleko edozein datu erakundearen jabetzako fitxategietan gordeko dira. Fitxategiak Izaera Pertsonaleko Datuak Babesteko Erregistro Orokorrean behar bezala inskribatuta daude, ekainaren 11ko 994/1999 Errege Dekretuan ezarritako segurtasun-neurrien pean.

Bai. Organizazio bakoitzak behar adina erabiltzaile eduki ahal izango du. bizkaia:talent-eko zure kontuaren barruan erabiltzaile berri bati alta emateko, “organizazioari alta eman” atalera joan eta IFK sartu besterik ez duzu egin beharko; sistemak dagoeneko existitzen dela antzemango du eta erabiltzaile berriaren informazioa eskatuko dizu: izen-abizenak, kargua, saila eta helbide elektronikoa.

Behin datuak balioztatzen ditugunean, benetakoak direla eta akatsik ez dagoela egiaztatuz, erabiltzaile berria aktibatuko dugu eta bere gakoekin sartu ahal izango da bizkaia:talent-en kontura.

Organizazio bereko erabiltzaile guztiek izango dituzte eskuragarri bizkaia:talent-en zerbitzu ezberdinak eta historial osoa ikusi ahal izango dute.

Bai. Bizkaia:talent-en zerbitzuak Bizkaiko Lurralde Historikoan egoitza duen eta ondo prestatutako eta talentudun pertsonak kontratatu dituen, profesionalekin harremanetan jarri nahi duen edo hartu nahi dituen edozein enpresa (txikiak eta ertainak barne), zentro teknologiko, ikerketa-zentro edo –talde, unibertsitate, elkarte eta fundaziori zuzenduta daude.

Ez. Batetik, bizkaia:talent-ek enpresaren, unibertsitatearen, zentro teknologikoen, klusterren eta I+G zentro eta unitateen arteko bitarteko unitate gisa jarduten du, atzerrian bizi diren edo bertan bizi diren ondo prestatutako pertsonak identifikatzeko, haiengana iristeko eta organizazioetan sartzeko bidea erraztera bideratutako zerbitzuak eskainiz eta Bizkaira etortzeko interesa duten eta atzerrian bizi diren profesional eta ikertzaileei lekualdaketa eta egokitzapena errazteko zerbitzuak eskainiz.

Bestetik, bizkaia:talent-ek profesionalen profilen sarrerak erregistratzen ditu bere datu-basean eta aipatutako eragileei bidaltzen dizkie, nahi den profila betetzen badute.

bizkaia:talent-en misioa eta ikuspegia Bizkaian berrikuntzaren eta ezagutzaren prozesuan ondo prestatutako pertsonak erakartzeko eta atxikitzeko beharrezko baldintzak ezartzen laguntzean oinarritzen dela kontuan hartuta, Bizkaiko talentuaren eta giza kapitalaren kudeaketak estuki lotutako bi arlotan, pertsonengan eta proiektuengan, hain justu, ardaztutako kudeaketa-eredua eskatzen duela esan daiteke:

Pertsonen Arloa . Nagusiki oinarri teknologikoko eta ezagutza sortzeko proiektuek sortzen dituzten beharrei erantzuteko talentu berritzaile, ekintzaile eta ikertzailea identifikatzean oinarritzen da. Era horretan, bizkaia:talent-ek aktiboki bultzatzen du identifikatutako talentudun pertsonen atxikipena; horrek antzemandako talentuen behar profesional eta pertsonalak eta Bizkaiaren etorkizuneko beharrak aseko dituen banan-banako eskaintza bat diseinatzea eta artikulatzea dakar.

Proiektuen Arloa . Helburua da Bizkaia enpresa proiektu, proiektu pertsonal eta profesional egonkorren garapenerako leku erakargarria bilakatzea, beste organismo publiko eta pribatu batzuekin batera talentu berritzailea garatzeko.

Urtero, Lurralde Historikoaren gaitasun berritzaile indartuko duen ikertzailearen figuran zentratutako laguntza-lerro baterako deialdia egiten du bizkaia:talent-ek. Lortu nahi dena da ikertzaileen, kontratazioa, lotura, promozioa eta/edo prestakuntza bultzatzea.

Ikertzaileentzako laguntza-programa honek honako alderdietan laguntzen du:

• Esperientziadun ikertzaileak gure Lurraldean integratzen, Bizkaian errotutako ikerketa-erakunde batean ikerketa-proiektu bat garatzeko aukera emanez.
• Bizkaian proiektu berritzaileak abiarazten dituzten kanpoko kolaboratzaileen lotura, esperientzia luzea duten ikertzaileei Lurralde Historikoko organizazioekin kolaborazioak finkatzea eta ikerketa-proiektu berritzaileak garatzea ahalbidetuz.
• Ondo prestatutako pertsonak atzerrian prestatzea, Bizkaian karrera bat garatu nahi duten ikertzaileei ikerketa-proiektu bat aurrera eramatea eta haien ibilbide profesionala hobetzea ahalbidetuz.

Programa hori Europako Batzordearekin batera finantzatzen da, VII. Marco Programaren barruan (People – Marie Curie Actions) eta Lurralde Historikoaren gaitasun zientifikoa indartu nahi du, esperientziadun ikertzaile seniorrak erakarriz, ezagutzaren transferentzia hobetuz, bere sareak atzerrian indartuz eta ikertzaile kopuru egoki batera iritsiz. Bizkaiko eta Europako ikerketa jardueren eta hazkunde ekonomikoaren garapena sustatzea ere bilatzen du, ikertzaileen garapen profesionalari laguntzeaz gain.

bizkaia:talent-ek hiru laguntza mota eskaintzen ditu:

1. MODALITATEA – Esperientziadun ikertzaileak Bizkaian integratzeko laguntasuna

Erakunde gonbidatzailea eta ikertzailearen arteko lankidetza ezarri nahi da epe luzera, ikertzaileak direlarik bizkaia:talent-entzako pieza nagusia. Laguntza ikertzailearen soldata gordinaren %50ekoa izango da, organizazioan kontratatzen dutenetik hasita, lehenengo hiru urteetan zehar. Soldataren %50 organizazioak berak jarri beharko du.

2. MODALITATEA – Bizkaian proiektu berritzaileak abiarazten dituzten kanpoko kolaboratzaileak lotzeko laguntza

Plan honek Bizkaiko organizazioekin kolaborazioak ezarri eta ikerketa-proiektu berritzaileak garatzea ahalbidetuko die esperientzia luzea daukaten ikertzaileei.

Helburua da ikertzaileen karrera mesedetuko duten kolaborazioak sortzea, epe labur eta ertainera. Modalitate hau egokia da proiektu jakin batean ikertzaile eta organizazioen arteko kolaborazio zehatzetarako. Ikertzaileak proiektu batean parte hartzen du, baina ez da bilatzen Bizkaiko bere egonaldia iraunkorra izatea. Kolaborazio hau denbora tarte mugatu baterako definitzen du ikertzaileak.

bizkaia:talent-en ekarpenak ikertzailearen mantenu-gastuen urteko 61.000 eurora arteko kopurua estaltzen du, gehienez, bi urtez. Urteko muga hori gainditzen duen kostua Bizkaiko organizazio gonbidatzaileak ordainduko du.

3. MODALITATEA – Ondo prestatutako pertsonak atzerrian prestatzeko laguntza, Bizkaira itzultzeko fase batekin

Bizkaian haien karrera garatu nahi duten ikertzaileei prestigiodun nazioarteko organizazioetan ikerketa-proiektu bat gauzatzeko eta haien gaitasunak hobetzeko aukera eskaintzen die plan honek. Laguntzak ikertzailearen mugikortasun-, bidaia- eta mantenu-gastuen %100era arte estaltzen du, 3 hilabete eta 3 urte arteko denbora tarte batean zehar.

Jasotako laguntzak partzialki eta osorik estaliko ditu ikertzailearen mugikortasun-, bidaia- eta mantenu-gastuak, izangaiaren ebaluazioaren eta proiektuaren interes-mailaren arabera.